هندوکش غږ د خپلو دقيقو څېړنو او کره معلوماتو له مخې وموندله، چې د سميع سادات په مشرۍ تش په نوم متحده جبهه د امريکا حکومت د بنسټونو په ويب سايټ کې د خيريه بنسټ په توګه ثبت شوې ده.
که څه هم د خيريه بنسټ په توګه د سميع سادات د جبهې د ثبت کولو اصلي انګېزه لا معلومه نه ده؛ خو له ورته جبهو څخه د امريکا د نه ملاتړ څخه معلومېږي چې مخالفې جبهې په دې هېوادونو کې تر اصلي نومونو او موقف لاندې فعاليت نه شي ترسره کولای.
همدا راز تر دې هاخوا بل عام باور بيا دا دی، چې سادات په امريکا کې د خيريه بنسټ تر نامه لاندې پیسې راټولوي او پخوانيو نظامیانو ته د جبهې تر نامه لاندې په دوکې ورکولو سره یې خپل جېب ته اچوي.
سميع سادات چې دا مهال امريکا کې میشت دی او د متحدې جبهې د مشر په توګه د فعاليت ادعا کوي په ټولنيزو رسنيو کې د دروغو اعلاميو او و ويناوو په ترسره کولو شهرت لري.