د روسیې ولسمشر ولادیمیر پوتین وایي، د مسکو او کېیف ترمنځ د سولې په راتلونکو مذاکراتو کې باید د روسیې، اوکراین او ټولې اروپا د امنیت تضمین ته لومړیتوب ورکړل شي.
پوتین له یوې روسي رسنۍ سره په مرکه کې، د امریکا د ولسمشر له ځانګړي استازي سټیو ویټکاف سره تر لیدنې یوه ورځ وروسته، ویلي چې مسکو چمتو دی راتلونکې میاشت د واشنګټن په منځګړیتوب له اوکراین سره د سولې خبرې بیا پیل کړي.
نوموړي ټینګار کړی، چې روسیه د لنډمهاله اوربند پر ځای د جګړې د پای ته رسولو لپاره د یوې تلپاتې سولې هوکړه غواړي.