رويټرز راپور ورکړی، چې د امریکا د بهرنیو چارو وزارت اوکراین ته د ۲.۱ میلیارد ډالرو په ارزښت د پاټریوټ دفاعي سیستم د ۵۰۰ PAC-3 ډوله توغندیو د پلور طرحه تایید کړې ده.
د رویټرز د راپور له مخې، د دغو توغندیو لګښت به د کاناډا، المان او ناروې په مالي ملاتړ او د اروپایي ټولنې د پور له پیسو ورکړل شي.
د دې معاملي اصلي قراردادي شرکت لاکهیډ مارټین دی، چې تر دې وړاندې یې د یادو توغندیو د کلني تولید د کچې دوه زره واحدونو ته د لوړولو اعلان کړی وو.