د ارشاد، حج او اوقافو وزارت ویلي، چې د ۱۴۴۸ کال د حج د مراسمو پر مهال د ۳۰ زره افغان حاجیانو لپاره د خدمتونو د وړاندې کولو په موخه د سعودي عربستان له «مناسک المشاعر» شرکت سره یې تړون لاسلیک کړی دی.
دغه تړون د سعودي عربستان په جده ښار کې د حج د نړیوال کنفرانس او نندارتون په څنډه کې ترمنځ لاسلیک شوی، چې له مخې به یې، یاد شرکت په مکه مکرمه، مدینه منوره او د حج په سپېڅلو ځایونو کې حاجیانو ته د استوګنې ځایونه، خېمې، درې وخته خواړه، د جدې، مکې او مدینې ترمنځ ترانسپورتي اسانتیاوې او نور اړین خدمات برابر کړي.