د افغانستان د سوداګرۍ او پانګونې خونې په یوه خبر پاڼه کې ویلي، چې د افغانستان او ازبکستان خصوصي سکټورونو د اقتصادي همکاریو د پراختیا په موخه د ۱۵۱.۶ میلیونه ډالرو په ارزښت سوداګریز هوکړهلیکونه لاسلیک کړي دي.
دغه هوکړې د دواړو هېوادونو د شاوخوا ۱۰۰ شرکتونو ترمنځ د مخامخ سوداګریزو خبرو په پایله کې د نساجۍ، ودانیزو چارو، روغتیايي وسایلو، ټرانسپورټ او لوژستیک په برخو کې شوې دي.
په دې ناسته کې د دواړو هېوادونو سوداګرو او استازو د دوهاړخیزې سوداګرۍ د پراختیا، ګډې پانګونې، د صادراتو او وارداتو د زیاتوالي او د سوداګریزو اړیکو پر وړاندې د شته خنډونو د لرې کولو په اړه هم خبرې کړې دي.