د ریاست الوزراء اقتصادي معاونیت څخه په خپره شوې خبرپاڼه کې راغلي، چې د ریاستالوزراء د اقتصادي مرستیال ملا عبدالغني برادر او د روسیې د لومړي وزیر مرستیال الکسي اوورچوک په حضور کې د دواړو هېوادونو د خصوصي سکټور ترمنځ د ۱۰۳ میلیونه ډالرو په ارزښت د اقتصادي همکاریو ۱۵ تفاهمنامې لاسلیک شوې دي.
خبرپاڼه زیاتوي، چې دغه تفاهمنامې افغانستان ته د درملو، غنمو، اوړو او غوړیو د وارداتو، روسیې ته د تازه مېوو، په ځانګړي ډول د انارو د صادراتو او د دوهاړخیزو سوداګریزو اړیکو د پراختیا په برخو کې لاسلیک شوې دي.
د خبرپاڼې په حواله، د دغو تفاهمنامو له مخې به افغانستان او روسیه په یادو او یو شمېر نورو برخو کې یو بل ته صادرات او واردات ولري.