د ایران سپاه پاسداران ځواکونو په یوه اعلامیه کې ویلي، چې په سیریک سیمه کې د مخابراتي بنسټ پر وړاندې د هوايي برید په غبرګون کې، په بحرین کې د امریکا د خبرداري د لومړني سیستم رادار په نښه او ویجاړ کړی دی.
سپاه پاسداران دغه اقدام امریکا ته جدي خبرداری بللی او ټینګار یې کړی، چې د ورته بریدونو د تکرار په صورت کې یې ځواکونه د ځواب ورکولو لپاره بشپړ چمتووالی لري.
دغه ځواک هغو شرکتونو ته هم خبرداری ورکړی، چې د دوی په وینا، د هرمز تنګي له لارې د تېلو په قاچاق کې لاس لري او ویلي یې دي، چې له سختو اقداماتو سره به مخ شي.