د هېواد د سوداګرۍ خونې خبر ورکړی، چې په کابل کې د تاجکستان سفیر سعدي شریفي د افغانستان د سوداګرۍ او پانګونې خونې له رییس سره لیدنه کې ویلي، چې هېواد یې د دواړو هېوادونو د ګډې پولې په اوږدو کې د ګډ سوداګریز بازار جوړولو ته لېوالتیا لري.
د معلوماتو له مخې، په دې لیدنه کې دواړو لوریو د سوداګریزو او اقتصادي اړیکو پر پراختیا، د دوهاړخیزو همکاریو پر پیاوړتیا او د سوداګرو او پانګوالو لپاره د نویو فرصتونو پر برابرولو خبرې کړې دي.
ياده دې وي، چې دا مهال د افغانستان او ازبکستان پر ګډه پوله يو سوداګريز بازار فعال دی، چې د دواړو هېوادونو سلګونه سوداګر پکې او هټيوال پکې فعاليت کوي.


