د هرات ولایت مقام رسنیو دفتر ویلي، چې اسلامکلا ګمرک کې د ۱۱۱ میلیونه، ۶۷۵ زره او ۸۵۰ افغانیو په لګښت پر ۲۰ جریبه ځمکه د معیاري پارکینګ د کانکریټاچونې چارې پیل شوې دي.
د هرات د ولایت مقام د معلوماتو له مخې، د دې پروژې موخه د باروړونکو موټرو لپاره د مناسب تمځای برابرول، د موټرو د تګ راتګ او تم کېدو تنظیم او د ګڼې ګوڼې مخنیوی دی.
د اسلامکلا ګمرک د افغانستان له مهمو سوداګریزو او ترانزیټي بندرونو څخه دی، چې د وارداتي او صادراتي توکو په لېږد کې مهم رول لري.


