هندوکشغږ ته ځایي سرچینې وایي، د بلوچستان ایالت د مرکز کوېټې ښار په بایپاس سيمه کې د پاکستاني پوځ د یوې ملاتړې ادارې پر موټر د چاودنې له امله يو کس وژل شوی او څلور نور ټپيان دي.
سرچینه زیاتوي، یاد موټر د پوځ د ملاتړې ادارې د یوه مهم غړي بابل محمد حسني و، چې خپله په چاودنه کې وژل شوی او څلور تنه ساتونکي یې ټپیان شوي دي.
پاکستاني چارواکو د برید پخلی کړی او ویلي یې دي، چې ټپیان یې د درملنې لپاره روغتون ته لېږدولي دي.