د راپورونو له مخې د بلوچستان په تربت کې د د پاکستاني پوځيانو په موټر بمي چاودنه کې د صوبدار نائب او عمر ظهور په نوم دوه پوځيان وژل شوي او څلور نور ټپيان دي.
سرچينې وايي په ټپيانو کې نايک نعيم، جاويد، امين او د وحيد په نوم پوځيان شامل دي چې له ډلې یې د دوه کسانو ټپونه ژور دي او د مرګ امکان یې ډېر دی.
د يادونې وړ ده چې د بريد پړه تر اوسه چا په غاړه نه ده اخيستې خو په بلوچستان کې بلوڅ وسله وال پياوړی حضور لري او وخت ناوخت په پاکستاني پوځ خونړي بريدونه کوي.