له پاکستان څخه د هندوکش غږ سرچينې وايي، د پاکستان د بلوچستان په هرنايي شاهرک کې د ډبرو سکرو کان د کارکوونکو له موټر سره نږدې ماين چاودنه کړې، چې په پايله کې يې لس کسان وژل شوي او ۶ نور ټپيان دي.
سرچينه زياتوي، چې په وژل شويو کارکوونکو کې یې ډېری هغه د پښتونخوا د سوات او نورو پښتون مېشتو سيمو څخه دي.
ياد دې وي، چې تر دې دمه د بريد پړه چا پر غاړه نه ده اخيستې، خو له دې وړاندې بلوڅ بېلتون پالو په بلوچستان کې د کانونو کارکوونکي په نښه کړي وو.
بلوڅ بېلتون پال وايي، د بلوچستان کانونه د بلوچانو حق دی او هر څوک چې دلته د کان کيندنې په موخه راځي له دغسې برخورد سره به مخ کېږي.