د راپورونو لهمخې، د صهیونیستي رژیم سمندري ځواکونو له جنګي بېړیو په استفادې د یمن الحدیده بندر پر تأسیساتو توغندیز بریدونه کړي.
د صهیونیستي رژیم پوځ ویلي، چې دا بریدونه یې له یمن څخه پر اسرائیلي اهدافو د وروستیو ډرون او توغندیزو بریدونو په ځواب کې کړي.
صهیونیستي اسرائیلو تېره شپه د الحدیده، راس عیسی او سلف بندرونو څېرمه خلکو ته د تخلیې خبرداری ورکړی و؛ خو يوازې پر الحدیده بندر یې برید کړی دی.
له بل لوري د یمن د پوځ لوی درستیز د حماس پوځي څانګې (کتائب القسام) ته په یوه استول شوي پیغام کې د غزې د خلکو د ملاتړ ژمنه تازه کړې او ویلي یې دي، چې د فلسطین تر بشپړې ازادۍ به د صهیونیستي رژیم مقابله کوي.