المرصاد نشراتي ادارې د خپلو سرچینو له قوله راپور ورکړی، چې امنیتي ځواکونو د کابل ښار د ۱۵مې امنیتي حوزې په قصبه سیمه کې د داعش ډلې د ماین جوړونې یو مرکز له منځه وړی.
د سرچینې د معلوماتو لهمخې، د عملیاتو پر مهال دوه داعشیان وژل شوي او له یاد مرکز څخه وسلې، یوه عراده کرولا موټر، منفجره مواد، انفجاري واسکټونه، پټاقۍ، ریموټونه او نور وسایل هم ترلاسه شوي دي.
سرچینې زیاته کړې چې، «داعش وسلهوالو به په دې مرکز کې جوړ شوي ماینونه او واسکټونه نورو ځایونو ته انتقالول او بیا به یې په تخریبي اعمالو کې استفاده ترې کوله.»
د ویلو ده، چې پر هېواد د سرپرست حکومت له بیا ځل واکمنېدو راهیسې د داعش ډلې فعالیتونه د امنیتي ځواکونو د پرلهپسې عملیاتو په پایله کې نږدې صفر ته رسېدلي، د دې ډلې ګڼ وسلهوال نیول شوي او یا هم د مقاومت پر مهال وژل شوي دي.