د ایراني رسنیو د راپورونو له مخې د ایران سپاه پاسداران په دغه هېواد کې د توغنديو د یوه نوي مرکز پرانیسته کړې.
د معلوماتو له مخې په دغه مرکز کې لسګونه ډوله پرمختللي توغندي ساتل کېږي او اټکل کېږي چې ایران به د «وعده صادق» په نوم عملیاتو کې د صهیونیستي رژیم پر وړاندې له دغه مرکز څخه د توغندیو د توغولو په برخه کې کار اخېستی وي.
د سپاه پاسداران قوماندان حسین سلامي د دغه مرکز د پرانیستې پر مهال ګواښ کړی چې د دغه توغندیو پر مټ به ډېر ژر د اسرائیل مهمې مرکزونه په نښه او له منځه یوسي.