د ایران ولسمشر، مسعود پزشکیان د هند له لومړي وزیر، نرېندرا مودي سره کتلي دي او د افغانستان په اړه یې خبرې کړې دي.
د ايراني رسنيو د خبر له مخې، دغه کتنه چې د روسیې په کازان کې د برېکس غونډې په څنډه کې شوې د سیمې او نړۍ د ګڼو مسایلو سربېره د افغانستان په اړه هم خبرې شوې دي.
د رسنیو د راپور پر بنسټ پزشکیان نريندرا مودي ته ویلي: له افغانستان سره باید تعامل او خبرې اترې د سیمې د راتلونکي جوړولو په انګیزه او اراده ترسره شي، مونږ باید له افغان ملت سره د ستونزو په حل کولو سره د سولې، آرامۍ او سوکالۍ په ترلاسه کولو کې مرسته وکړ، د ایران اسلامي جمهوریت د هر هغه اقدام ملاتړ کوي چې په افغانستان کې د سولې او ثبات له ټینګښت سره مرسته وکړي.
همدا راز ايراني رسنۍ وايي په پام کې ده چې د روسیې ولسمشر، ولادیمیر پوتین هم له پزشکیان او نرېندرا مودي سره وګوري.