د اطلاعاتو او کلتور وزارت خبر ورکړی چې، د بېګم او جوانان راډيوګانو په تکراري ډول د خپلو نشراتو د بیا پیل غوښتنه کوله، چې د دغه وزارت د نشراتي معینیت سره تر تعهد وروسته د بیا فعالیت اجازه ورکړل شوې ده.
د یاد وزارت په وینا، د یادو رسنیو مسئولینو ژمنه کړې چې، خپل نشرات به د سرپرست حکومت او د ژورنالیزم د اصولو په رڼا کې پرمخ وړي او په راتلونکي کې به له هر ډول سرغړونو ډډه کوي.
یاده دې وي، چې د دغه راډیوګانو خپرونې څو ورځې وړاندې د اطلاعاتو او کلتور وزارت له لوري د فعالیت له جواز څخه د ناوړه استفادې او له بهرنیو تحریم شویو رسنیو سره د همکارۍ له امله ځنډول شوې وې.