د جمهوریت پر مهال د بلخ والي او د تش په نوم مقاومت شورا د رهبرۍ غړی عطاء محمد نور وايي، د ده دوه ورځې مخکنی پیغام د افغان ځوانانو د ژغورلو او د بهرنیو نیابتي جګړو د مخنیوي لپاره و، ځکه د نوموړي په وینا، د افغانستان د ناخوالو ریښه بهرنۍ لاسوهنې دي.
عطاء نور خبرداری ورکوي، چې که پر ده لفظي بریدونه او سپکاوی دوام ومومي، د خپلو مخالفینو ټول پټ استخباراتي رازونه، روزنیز کمپونه او اړیکې به افشا کړي.
هغه په ورته وخت کې د ولس نیوکې او لارښوونې د منلو وړ، خو د بهرنیو مزدورانو او کړیو حساب یې جلا ګڼلی.