د صنعت او سوداګرۍ وزارت سرپرست نورالدین عزیزي د تاشکند پانګونې نړیوال فورم په څنډه کې د اوزبکستان د پانګونې له وزیر لذیذ قدرتوف سره د ترجیحي سوداګرۍ هوکړهلیک لاسلیک کړ.
د صنعت او سوداګرۍ وزارت د خبرپاڼې لهمخې، دغه سند به د دواړو هېوادونو ترمنځ تعرفې راکمې، سوداګرۍ ته اسانتیاوې برابرې او اقتصادي اړیکې پیاوړې کړي.
دواړو خواوو دغهراز د سوداګرۍ، صنعت، کرنې او د ظرفیتونو لوړولو په برخه کې د ګډو همکاریو لپاره د افغان – اوزبیک ګډ کاري پلان هم لاسلیک کړ.
د یادو سندونو لاسلیک د خصوصي سکټور ملاتړ، پانګونې، د سیمهییزې سوداګرۍ پراختیا او د دواړو هېوادونو تر منځ د اقتصادي همکاریو زیاتوالي لپاره یو مهم ګام بلل کېږي.