د ننګرهار ولایت مقام رسنیز دفتر خبر ورکړی چې، د سترې محکمې د «متحد المال» حکم پر بنسټ د دغه ولایت د زندانونو چارو د سمون ریاست له زندان څخه ۷۰ تنه بندیان خوشې شوي.
د خبر له مخې، د ننګرهار زندانونو چارو د سمون رئیس مولوي سهيل سعيد خوشې شويو زندانيانو ته ویلي چې، له دې فرصت څخه سمه ګټه واخلي، د زده کړو څخه استفاده وکړي او خپل راتلونکی د اصلاح او سالم ژوند پر بنسټ جوړ کړي.
ښاغلي سعید ویلي چې، یادو خوشې شویو کسانو ته د زندان پر مهال دیني، عصري او مسلکي زده کړې ورکړل شوي او تمه ده چې هغوی خپل راتلونکی جوړ کړي.