یوې معتبرې سرچینې بيبيسي پښتو ته ویلي، چې افغان دفاع وزیر، مولوي محمد یعقوب مجاهد روسي لوري ته قناعت ورکړی، چې افغان حکومت ته د هوايي دفاع عصري تجهیزات ورکړي.
سرچینې زیاته کړې، چې د دواړو خواوو ترمنځ داسې تړون لاسلیک شوی، چې په کې د هوایی دفاع تجهیزاتو سربېره د ځمکني پوځي تجهیزاتو ورکړه هم شامله ده.
د معلوماتو له مخې، روسي لوری به د تړون له مخې د اسلامي اردو ځواکونو ته په تخنیکي برخو کې اړینه روزنه هم ورکوي.
بیبيسي پښتو په خپل راپور کې وړاندې لیکلي، چې یاد تړون د افغان دفاع وزیر، مولوي محمد یعقوب مجاهد او د روسیې د امنیت شورا سلاکار سرګي شویګو په حضور کې لاسلیک شوی دی.