ارګ په یوه خبرپاڼه کې ویلي، چې د اسلامي امارت د رئیس الوزراء اقتصادي مرستیال مولوي عبدالغني برادر د تخار ولایت له قومي مشرانو او علماوو سره په کتنه کې د هغوی ستونزې اورېدلي او د حل ډاډ یې ورکړی.
د خبرپاڼې له مخي ښاغلي برادر په دې، کتنه کې ویلي، چې اسلامي امارت د ولس نظام دی، د ولس خدمت او ستونزو ته رسېدنه د اسلامي امارت مسؤلیت دی او په پوره اخلاص او صداقت یې ترسره کوي.
خبرپاڼه زیاتوي د تخار علماوو او قومي مشرانو په یاد ولایت کې د اسلامي امارت له لوري په بېلابېلو برخو کې د پرمختیايي کارونو ستاینه کړې او ویلي یې دي چې تر ډېره حده یې ستونزې حل شوې دي.