دا چې مونږ په نړۍ کې ژوند کوو او الله تعالی د یو بنده په صفت نړۍ کې خلق کړي یو، زمونږ په ذمه او اوږو ډېر مسؤلیتونه هم را اچول شوي دي.
خو ځیني د شیطان په بندګۍ کې اخته خلک د خپلې بې لارۍ او طبیعت دښمنه فکر د ترویج لپاره په خپل ټول قوت په اسلامي هېوادونو او ټولنو کې کار کوي.
د شر او فساد ډله هم د هماغه شیطانت او بغاوت سرمنشأ ده، چې په ټوله معنی د غربي اهدافو د ترسره کولو لپاره ځان ستړی کوي.
په افغانستان کې د شر او فساد لارویان له درې لسیزو مسلسل ازمایلو وروسته هم ناکام او پاتې راغلي دي؛ په دې موده کې د شر او فساد ډلې بنسټګر افراطي نشنلیسټ احمدشاه مسعود له شوروي سره پټ تړونونه وکړل، چې پکې د عامو هېوادوالو د عامه وژنې او شورویانو ته د لویو لارو د ساتلو مادې لیک او منل شوې وې.
احمدشاه مسعود د پاکستان په پوځي چوڼیو کې د دې لپاره و روزل شو، چې د بهرني استخباراتي سازمانونو لپاره نوموړی ارزانه خو ډېر وحشي، ظالم، جابر او باغي سړی په لاس ورتللو؛ هغوی د دې ځانګړنې نه د ګټې اخیستنې په خاطر د افغانستان د بربادولو د هرې سودا لپاره وړ او ټارګیټ نفر احمد شاه مسعود او د شر او فساد ډله انتخاب کړه.
احمدشاه مسعود د بهرنیو اسخباراتي سازمانونو څخه د خپلې زده کړې په بنیاد د فساد په ډله کې ځانګړي خلک و روزل، څوک یې د وطن د خرڅلاؤ لپاره، څوک یې د استخباراتي جګړو د پر مخ بېولو لپاره او څوک یې د ناموس فروشۍ، ظلم او بربریت لپاره، خو په ټوله کې د دوی کار یواځې او یواځې شر او فساد خورول وو، چې د افغانستان خاوره یې له شیطانته تر اوسه رنځ وړي.
تازه د ټویټر په یو سپېس کې د شر او فساد مخکښ غړي نصرت اقبال وویل: له احمدشاه مسعود په میراث پاتې شریر او باغي احمد مسعود خپلو پلویانو ته امر کړی دی، چې د افغانستان ولسونه وښکنځئ، احساسات یې وسکونډۍ او ارزښتونه یې ورسپک کړئ، تر څو یې په خپلو منځونو کې یې اختلاف راپیدا او تشنج ته لار هواره شي.
دوی (د شر او فساد ډلې) ته خپلې ګټې له هر ارزښت پورته دي، چې د تر لاسه کولو لپاره یې له هیڅ مشروع او نا مشروع کار درېغ نه کوي.
په دې وروستیو کې داسې ښکاري، چې د شر او فساد دا پدیده په ټولېدو ده، ځکه د مقاومت خیالي جبهې او د دوستم تر منځ د ژورو اختلافاتو پرده پورته کېږي، همدارنګه د ګفتمان کنفرانس کې د دوی د یو بل سره د برطانیې د ورکړل شویو پیسو پر سر لانجې او په یاد کنفرانس کې نه ګډون کول، هغه څه دي چې د دوی لمن به ورټوله کړي.
ځکه دوی د وطن د بربادولو لپاره له هیڅ لارې درېغ و نه کړ، شورویان یې راوستل، پټ تړونونه یې ورسره وکړل او دوه میلیونه انسانان یې پرې له خاورو لاندې کړل، هغوی له تللي نه وو، چې ناټو ته پښو ور پرېوتل هغوی یې راوستل او یو جوړ هېواد یې پرې بیا برباد کړو او دا بربادي دومره لویه وه، چې له امله یې یواځې په هرات ښار کې ۱۰۰۰ نجونو خود سوزۍ وکړې.
خو سره د دې ټولو جنایاتو نن هم د یو بل جنګ خبرې کوي، د یوې بلې بدبختۍ شعارونه ورکوي؛ همدا ځای دا را په ګوته کوي، چې د شر او فساد ډله د ټولو دینونو او ایډیالوژیو په بناء مردوده او غلامه ډله ده، چې د پیسو د پیدا کولو لپاره هر طرف لاسونه غورځوي.
یادؤنه: په هندوکش غږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکش غږ توافق ورسره شرط نه دی.