احمد مسعود چې په ټولنيزو رسنيو ځان د افغانستان د مقاومت جبهې(شر او فساد) د يوې خيالي ډلې مشر معرفي کوي وايي ټولې نړۍ له اسلامي امارت سره تعامل او جوړ جاړي ته مخه کړې او موږ له پامه غورځول شوي او يواځې پاتې شوي يو.
مسعود چې وخت ناوخت د ټولنيزو رسنيو په تېره بيا د ټويټر په شپنيو سپېسونو کې له اروپا ګډون کوي په يوه ويډيو کې په فرياد او ناهيلۍ غربي هېوادانو ته د ګيلې په شکل وايي چې نړۍ پرته له قيد او شرط د اسلامي امارت غوښتنې مني او هغوی سره تعامل او جوړجاړی کوي. او په وينا یې نړيوال په تېره بيا غربي هېوادونه دوی ته پاملرنه نه کوي او له ياده یې اېستلي دي.
مسعود دا ګيلې او فرياد داسې مهال کوي، چې په دې وروستيو کې افغان حکومت په بېلابېلو ګاونډيو هېوادونو کې سفارتي چارې په خپل لاس کې واخيستې، او همدارنګه يادو هېوادونو او نورې نړۍ بار بار د افغان حکومت پر وړاندې د هېڅ ډلې ټپلې د نه ملاتړ وعده کړې، او د ترکیې په ګډون ځينو نورو هېودانو د شر او فساد ډلې د پلويانو او غړو د شړلو سربېره هغوی نيولي او پټ دفترونه یې ورته تړلي دي.
د يادونې وړ ده چې په دې وروستيو کې د هېواد په بېلابېلو ولايتونو کې د شر او فساد ډلې د مهمو قومندانانو په ګډون د دې ډلې ډېر شمېر غړي ووژل شول، ونيول شول، او پټنځايونه یې له منځه یوړل شول.