د افغانستان د کانونو او پټرولیم وزارت وايي، د ازبېکستان د BA Holding کمپنۍ رئیس د کانونو او پټرولیم وزیر سره لیدلي او په هېواد کې یې د اوسپنې کانونو په برخه کې د پانگونې لېوالتیا ښودلې ده.
له یاد وزارت څخه په خپره شوې خبرپاڼه کې ویل شوي، د کانونو وزیر ازبېکستاني پلاوي ته په افغانستان کې د کانونو په برخه کې د شته فرصتونو په اړه معلومات ورکړل او د اوسپنې کانونو د استخراج په برخه کې یې پانگونې ته وهڅول.: «په دغه کتنه کې دواړو لورو د افغانستان د کانونو په برخه کې د پانگونې په شته فرصتونو په ځانگړې توگه د سر تاسري ا منیت په اړه بحث او نظرونه شریک کړل.
د BA holding کمپنۍ رئیس د اوسپنې په کانونو کې د پانگونې په موخه خپله لېوالتیا څرگنده کړه.»په خبرپاڼه کې ویل شوي، د کانونو او پټرولیم وزارت هڅه کوي چې د بهرنیو کمپینو لپاره د پانگونې په برخه کې لازمې اسانتیاوې برابرې کړې او په دغه برخه کې ورسره خپله همکاري وکړي.
پرون چینايي پانگهوالو هم ژمنه کړې وه چې چمتو دي په افغانستان کې د اوسپنې پټلۍ په برخه کې پانگونه وکړي.په هېواد کې د بشپړ امنیت له برکته د گاونډیو هېوادونو سربېره د سیمې هېوادونه هم غواړي چې په هېواد کې په بېلابېلو برخو کې پانگونه وکړي.