د راپورونو له مخې اسلام اباد کې د لال مسجد امام مولانا غازي عبد العزیز، پکتيکا ولايت کې پر عامو وګړو د پاکستان جيټ الوتکو بريدونه غندلي دي.
غازي ويلي، پاکستان دې په دې نه نازيږي، چې الوتکې او پوځي مهمات لري، که چېرې طالبان خپلو ځواکونو ته پر پاکستان د بريدونو او فدايي حملو امر وکړي؛ نو پاکستان به په خپلو کړو پښيمانه کړي.
د يادونې وړ ده چې پکتيکا کې پر عامو وګړو د پاکستان د بمبارد او تېري په ځواب کې تېره شپه افغان سرحدي ځواکونو ډيورنډ فرضي کرښې ته څېرمه پراخ هوايي او ځمکني بريدونه وکړل چې په پايله کې یې تر پولې هاخوا د داعش ډلې مرکزونه او د پاکستاني ځواکونو پوستې له منځه يوړې او لسګونه پاکستاني پوليسو ته مرګ ژوبله واوښته.