یادونه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.
الله جل جلاله فرمایي: إِنَّ اللَّهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللَّهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا (سورة التوبه، ۱۱۱).ژباړه: بیشکه الله تعالی د مؤمنانو ځان او مال د جنت په بدل کې اخلي، هغه کسان چې د الله په لاره کې جهاد کوي (د دین دښمنان وژني) او یا خپله وژل کېږي، او دا د الله تعالی حق وعده ده.
صهیونیستی او سفاکه رژیم د حماس د سیاسي دفتر د مشر شهید اسماعیل هنیه په اقامتځای برید وکړ او دغه قهار مجاهد یې له خپل ساتونکي سره په داسې حال کې شهید کړ چې د ایران د اسلامی جمهوریت د نهم ولسمشر تحلیف په مراسمو کې مېلمه و.
صهیونیستي رژیم په دې ظالمانه عمل سره هڅه وکړه ترڅو د غزې په تړانګه کې خپلو ستړو او فرسوده شوي عسکرو په ماته باندې سرپوښ کېږدي چې له څو مياشتو وژنو او وحشت وروسته لا هم د حماس زړورو جنګياليو مجاهدینو باندې نه دي بریالي شوي.
د سرلوړي شهید اسماعیل هنیه د شهادت څخه ویره نه وه، ځکه چې دغه اتل د فلسطین د آزادۍ لپاره خپل د دریو زامنو او یو لمسي په شمول، خپل ډېر خپلوان د فلسطین د آزادۍ لپاره قرباني کړل، او خپله تل شهادت ته چمتو وه او مخکې له دې یې هم د صهیونیستي رژیم لخوا څو عملیات چې د ده د وژنې په خاطر طرح شوي وو شڼد کړي وه.
د شهید هنیه مبارک ژوند ټول د جهاد او شهادت سره تړلی و، هغه په 1963 زېږدیز کال کې زیږیدلی و؛ لومړنۍ او ابتدائي زده کړې یې د غزې په الشاطي کمپ کې او لوړې زده کړې یې د الازهر په دیني مدرسه کې بشپړې کړې وې او په ۱۹۸۱ زېږدیز کال کې د غزې اسلامي پوهنتون ته د عربي ژبې ادبیاتو د زده کړې لپاره داخل شو.
پوهنتون ته په داخلېدو سره د دغه پوهنتون د اسلامي ټولنې غړی شو او له ۱۹۸۳ زېږدیز کال څخه تر ۱۹۸۴ زېږدیز کاله پورې د دغه پوهنتون د محصلینو د شورا غړی وو او په ۱۹۸۵ زېږدیز کال کې د یو کال لپاره د دغه پوهنتون د محصلینو د شورا رئیس په توګه وټاکل شو؛ بیا یې جهادي فعالیتونو ته مخه کړه چې د فلسطین د مقاومت په ډلو کې یې غړیتوب واخیست او بالاخره یې د حماس او اسلامي جهاد له ۴۱۵ مشرانو او فعالانو سره یو ځای د لبنان جنوبي ښار مرج الظهور ته تبعید شو.
دغه سرلوړی شهید د ۲۰۰۶ کال د مارچ له ۲۹ څخه د ۲۰۰۷ کال د جون تر ۱۴ نیټې پورې د څه مودې لپاره د فلسطیني ادارې لومړی وزیر وه، د ۲۰۱۷ کال د می په شپږمې نیټېی د خالد مشعل پرځآی د حماس د سیاسي دفتر د نوي مشر په توګه وټاکل شو.
شهید هنیه له دې مخکې هم د څو وژنو هدف ګرځېدلی و، چې په ۲۰۰۳ کال کې یې د شیخ احمد یاسین سره د کتنې په مهال د هغه د وژنې عملیات د صهیونیسټي رژیم د ترهګرو له خوا ناکامه شول.