د صنعت او سوداګرۍ وزارت خبر ورکړی چې د دغه وزارت سرپرست نورالدین عزیزي کابل کې د پاکستان له سفیر عبیدالرحمن نظاماني سره کتلي دې.
د یاد وزارت په وینا، په دې کتنه کې د دوه اړخیزې سوداګرۍ د پیاوړتیا او د سوداګریزو توکو د ترانزیت پر وړاندې د موجودو ستونزو د حل په اړه خبرې شوې دي.
سرچینې زیاته کړې دواړو لوریو په دغه کتنه کې د سوداګرۍ او ټرانزیټ د بهیر اسانتیا لپاره د نږدې همکارۍ او پر ګډو اقداماتو ټینګار کړی دی.
