د ریاستالوزرا اقتصادي معاونيت د يو ېخب پاڼې په خپرولو سره وايي چې رياست الوزرا اقتصادي مرستيال ملا عبد الغني برادر اخوند د سالنګونو لویې لارې له کاري بهیر څخه لیدنه کړې.
د خبرپاڼې پر بنسټ د دغې لیدنې پر مهال د ریاستالوزرا اقتصادي مرستیال چې د ټولګټو وزارت سرپرست ملا محمد عيسی ثاني یې هم ملتيا کوله د سالنګونو لویې لارې د بیارغونې له ترسره شوو کارونو خوښي څرګنده کړې او د یادې پروژې مسوولینو ته یې د دې ملي پروژې د کار د غوره کیفیت او په ټاکلي وخت د بشپړېدو په هکله لازمې لارښوونې کړې دي.
د يادونې وړ ده چې د سالنګونو لویې لارې د بیارغونې کار د ټولګټو وزارت تر نظارت لاندې له خصوصي سکټور سره په درېیو برخو کې قرارداد شوی، چې اوسمهال یې له تونل څخه تر ۱۶مې ګالرۍ پورې د سي ټي بي او کانکرېټ اچونې کار بشپړ شوی او په شمالي او جنوبي سالنګ کې د ۱۰ ګالریو د بیارغونې کار جریان لري.