هندوکش غږ ته کره امنيتي سرچينې وايي، چې امنيتي ځواکونو نن ورځ، د بغلان ولايت په دهنه غوري ولسوالۍ کې د يو لړ ځانګړو عملیاتو پر مهال، د شر او فساد ډلې (تش په نوم مقاومت جبهې) دوه مهم نظامي قومندانان نیولي دي.
معلومات ښيي، چې په نیول شویو قومندانانو کې يو تن، نقيب کوهګدای او بل سلطان محمد نومېده، او بغلان کې یې په غلا، قتل، اختطاف او نورو ورانکارو فعاليتو کې پراخ لاس درلوده.
ياده دې وي، چې څه موده وړاندې د بغلان ولايت په نهرين ولسوالۍ کې د شمس خرابات په نوم د دې ډلې مشهور او مهم قومندان هم امنيتي ځواکونو وژلی و او تازه نيول شوی، نقيب کوهګدای د نوموړي پر ځای ټاکل شوی و.
په دې وروستیو کې امنيتي ځواکونو، د بغلان په ګډون په ځينو نورو ولايتونو کې هم د شر او فساد ډلو پر خلاف پرېکنده عمليات پيل کړي، چې په ترڅ کې یې د دې ډلې ګڼ شمېر غړي وژل شوي او نیول شوي دي.