شېر کړئ Facebook Twitter بریښنالیک Telegram WhatsApp د ټېسلا او سپېس اېکس شرکتونو مشر ايلن ماسک په خپل تازه ټويټ کې د «امريکا ګوند» په نوم د نوي سیاسي ګوند د جوړېدو اعلان وکړ. دغه اعلان وروسته له هغې وشو، چې ماسک له خپلو پلویانو څخه د نوي ګوند د جوړېدو په اړه نظر واخیست او د خلکو پراخ ملاتړ یې ترلاسه کړ. همدا راز دا اعلان د ولسمشر ډونالډ ټرمپ د مالیې کمولو او لګښتونو د قانون د لاسلیک وروسته وشو، چې ماسک په کلکه د دې قانون مخالف و. ماسک تر دې مخکې هم ویلي و، چې هغه به یو نوی سیاسي ګوند پیل کړي او د هغو قانون جوړونکو پر وړاندې به مبارزه وکړي چې د دې لایحې ملاتړ کوي.
