بلوڅ بېلتون پالې ډلې (BLA) د پاکستان پوځ ویاند “ISPR” لخوا د عملیاتو پای ته رسېدو ادعا رد کړې ده.
بي اېل اې ویلي، چې جګړه لا هم روانه ده، پوځ په میدان کې ماتې خوړلې او د خپلو محاصره شویو پوځیانو ژغورلو کې پاتې راغلی دی.
همداراز یې له پاکستاني پوځ څخه غوښتنه کړې چې، نړیوالو خبریالانو ته د جګړې سیمو ته د تلو اجازه ورکړي، څو نړۍ له حقیقي وضعیت څخه خبره شي.
ياده دې وي چې، پاکستاني حکومت نن د بلوڅ بېلتون پالو له لوري په جعفر ایکسپریس اورګاډي کې د نيول شويو پاکستاني پوځيانو د ژغورولو د جګړې د پای ته رسولو اعلان کړی، خو بلوڅ بېلتون پال ياده خبره ردوي او وايي پوځيان لا هم د دوی په ولکه کې دي.