د بلوڅو بېلتون پالو وسله والې ډلې (بي اېل اېف) د يوې خبرپاڼې په خپرولو سره خبر ورکړی چې د يادې ډلې جنګیالیو، د بلوچستان “کولواه” ولسوالۍ کې پر پاکستاني پوځیانو برید ترسره کړی، چې په ترڅ کې یې شپږ پوځیان وژل شوي او ګڼ شمېر نور ټپيان دي.
په ورته مهال د يو بل خبر له مخې د بلوڅو بیلتون غوښتونکې ډلې (بي اېل اې) جنګیالیو، د بلوچستان په “چمالنګ او قلات” سیمو کې هم پر معدن وړونکو لاریو درې بریدونه ترسره کړي، چې په ترڅ کې یې یو کارکوونکی وژل شوی، درې ټپيان شوي او درې لارۍ یې هم سوځولې دي.
د بلوڅ بېلتون پالو دا بريدونه داسې مهال ترسره کېږي چې وروستۍ څو مياشتې ياده ډله نژدې هره ورځ پر پاکستاني پوځيانو او د پنجاب ايالت په وګړو بريدونه کوي او تلفات ور اړوي.