د افغانستان اسلامي امارت د ریاستالوزراء اقتصادي معاونیت څخه په یوه خپره شوې خبرپاڼه کې ویل شوي دي چې؛ د ملي تدارکاتو کمیسون له جوړېدو بیا تر دې مهاله د شاوخوا ۸۰ ملیارده افغانیو په ارزښت ۲۹۰ بېلابېلاې پروژې منظورې شوي دي.
خبرپاڼه کې راغلي چې یادې پروژې د هېواد په بېلابېلو برخو کې د زېربېنا، کلیو پراختیا، ټرانسپورټ، برېښنا، روغتیا، اوبو مدیریت، کرنه، مخابرات او نورو بېلابېلو سکتورونو کې پلي شوي دي.
د یادونې وړ ده چې د دغو پروژو مجموعي لګښت شاوخوا ۸۰ ملیارده افغانۍ ښودل شوی چې د حکومت له پراختیایي بودیجې څخه تمویل شوی دی.