العربية رسنۍ راپور ورکړی چې ترکیې د اسرائیل د لومړي وزیر بنیامین نتنیاهو الوتکې ته اجازه نه ده ورکړې، چې د دغه هېواد له فضایي حریم څخه تېره او اذربایجان ته سفر وکړي.
د سرچينې په خبره د اسرائیل لومړي وزیر بنیامین نتنیاهو اذربایجان ته خپل پلان شوی سفر د سیمهییزو بدلونونو یا د مصروف امنیتي او سیاسي مهال وېش له امله نه دی لغوه کړی، بلکې دغه پرېکړه وروسته له هغه شوې، چې ترکیې د اسرائیلو دولتي الوتکې ته اجازه نه ده ورکړې چې د دغه هېواد د هوایي حریم له لارې تېره شي.
راپور زیاتوي، د لومړي وزیر دفتر هڅه کړې وه چې د یونان او بلغاریا له لارې د بدیلې هوایي لارې په لټه کې شي، خو د اوږد واټن له امله یې له سفر ډډه وکړه.