د کډوالو ستونزو ته د رسېدنې عالي کمېسیون ویلي، چې تېره ورځ له ایران او پاکستان څخه د افغانانو د اېستلو د بهیر په لړ کې ۱۱۲۸ کورنۍ هېواد ته راستنې شوې دي.
د دغه کمېسیون د مالوماتو له مخې؛ د اسلام کلا بندر له لارې ۷۲۰ کورنۍ او پاتې نورې د تورخم، سپین بولدک او د نیمرو د ورېښمو پله له لارې راستنې شوې دي.
له پاکستانه د افغان کډوالو د جبري ایستلو لپاره ټاکل شوی ضربالاجل د روان میلادي کال د مارچ په ۳۱مه پای ته ورسېد او له هغې را وروسته اوس هره ورځ ډېر شمېر افغان کورنۍ په اجباري توګه له دغه هېواد اخراجېږي او خپل هېواد ته راستنېږي.
دغه راز د ايران او اسرائيل جګړې له پای ته رسېدو سره سم ايران هم په جبري ډول د افغان کډوالو اېستلو بهير پيل کړ، چې په ډېر لږ وخت کې څه کم يو ميليون کډوال له دغه هېواده افغانستان ته راوېستل شول او لا هم دا بهير روان دی.