د يمن انصار الله غورځنګ، خبرداری ورکړی، چې که سعودي عربستان د یمن پر الحدیده بندر برید وکړي؛ دوی به د جدې، ملک فهد، ینبع او جیزان بندرونه، په پلازمېنه ریاض کې د ملک عبدالله اقتصادي ښار مالي مرکز او نور مهم اهداف په نښه کړي.
د انصار الله ویاند یحیی سریع د دغو اهدافو د نقشې په خپرولو سره له کارکوونکو او کښتیو غوښتي، چې زر تر زره یاد بندرونه تخلیه کړي.
نوموړي همداراز خبرداری ورکړی، چې په راتلونکو ساعتونو کې به د مکې مکرمې او مدینې منورې له هوايي حریم پرته، د سعودي عربستان ټوله هوايي فضا ناامنه وي.


