دفاع وزارت په یوه خبرپاڼه کې ویلي، چې د یاد وزارت رهبرۍ د ملا محمد یعقوب مجاهد په مشرۍ، د ساحوي قولاردوګانو، مرکزي قطعاتو او بېلابېلو ریاستونو له مسوولینو سره درې ورځنۍ امنیتي او مشورتي غونډه ترسره کړې ده.
د وزارت د معلوماتو له مخې، په دې غونډه کې د بېلابېلو قطعاتو مسوولینو خپلې ستونزې، وړاندیزونه او کاري اړتیاوې د وزارت له رهبرۍ سره شریکې کړي او رهبرۍ د ستونزو د حل او چارو د ښهوالي په موخه ورته لازمې لارښوونې کړي دي.
دفاع وزیر ملا محمد یعقوب مجاهد او لومړي مرستیال یې ملا حمیدالله اخندزاده پر نظم، اطاعت، مسوولیتپذیرۍ، د منسوبینو د ستونزو حل او د دفاعي ځواکونو د مسلکي وړتیاوو او چمتووالي پر لوړولو ټینګار کړی دی.
دغه راز، د وسلهوالو ځواکونو لوی درستیز قاري محمد فصیحالدین فطرت د قطعاتو ترمنځ پر لا ښې همغږۍ، د دندو پر سم ترسره کولو، د نظامي اصولو پر رعایت او د چارو پر ښه تنظیم ټینګار کړی دی.


