د اقتصاد وزارت مسلکي مرستیال عبداللطیف نظري د افغانستان د کارګرانو ټولنې د بیا فعالېدو پروګرام ته په خپله وينا کې ویلي، چې افغانستان له ۴۰ کلنې جګړې وروسته په لومړي ځل سیاسي ثبات ته رسېدلی دی.
نوموړي زیاته کړې، چې د سرپرست حکومت مشران د سترو انکشافي، پراختیايي او سیمهییزو پروژو د تطبیق هوډ لري او نړۍواله ټولنه مسؤولیت لري، چې د دوی ملاتړ وکړي.
ياده دې وي چې، نن د کار او ټولنیزو چارو وزارت په چوکاټ کې د افغانستان د کارګرانو ملي ټولنې «امکا» بیا ځلې په فعالیت پیل وکړ.
ټاکل شوې د افغانستان د کارګرانو ملي ټولنه د کارګرانو غوښتنې د کار قانون پر بنسټ په منسجم ډول د سرپرست حکومت له مسؤولینو سره شریکې کړي.