د راپورونو له مخې د اردن پاچا امريکا ته تللی او هلته یې په سپينه ماڼۍ کې د ټرمپ په هغه پلان چې غواړي غزه ونيسي او فلسطینيان ترې وباسي، خبرې کړي.
ټرمپ د اردن پاچا سره په خبرو کې ويلي چې موږ غزه په پيسو نه اخلو بلکې تر خپل تصرف لاندې یې راولو او دا کار د سيمې د امنيت لپاره کوو.
نوموړي دغه راز حماس غورځنګ ته ويلي چې تر شنبې ورځې ټول بندیان خوشې کړي کنه په وړاندې به یې په نورو لارو فکر وکړي.
د اردن پاچا ملک عبدالله بيا ويلي چې دی به هغه څه وکړي چې د اردن د خلکو او هېواد په ګټه یې وي.
ملک عبدالله دغه راز ويلي چې له غزې څخه د فلسطينيانو د اېستلو په اړه باید د مصر طرحې او پلان ته هم وکتل شي او بيا پرې غور وشي.