د ټولګټو چارو وزارت خبر ورکړی، چې افغانستان او ازبکستان د رېل پټلۍ په برخه کې د همکاریو پر پراختیا او د دواړو هېوادونو ترمنځ د سوداګریزو توکو د لېږد پر زیاتوالي هوکړې ته رسېدلي دي.
د خبرپاڼې له مخې، دا هوکړه په حیرتان بندر کې د افغان حکومت د اوسپنې پټلۍ ادارې د رئیس عبدالکریم فاتح او د ازبکستان د اوسپنې پټلۍ شرکت د رئیس ترمنځ په لیدنه کې شوې ده.
د هوکړې له مخې، دواړو لورو د نایباباد تمځای د پراختیايي چارو پر بشپړولو، د اورګاډو د تګ راتګ پر زیاتولو، د حیرتان-مزارشریف پر مسیر د توکو د لېږد پر تنظیم او د اوسپنې پټلۍ په برخه کې د افغان متخصصینو پر روزنې ټینګار کړی دی.


