د ریاستالوزراء اقتصادي مرستیال ملا عبدالغني برادر اخوند او په اقتصادي چارو کې د روسیې فدراسیون د لومړي وزیر مرستیال الکسي اویرچوک په شتون کې د دواړو هېوادونو ترمنځ په بېلابېلو برخو کې پینځه هوکړهلیکونه لاسلیک شول.
اقتصادي مرستیالۍ د یوې خبرپاڼې په خپرولو سره ویلي، چې دغه هوکړه لیکونه د افغانستان د ترانسپورټ او هوايي چلند وزارت او د روسیې فدراسیون د ترانسپورټ وزارت ترمنځ د ترانسپورټ او ترانزیټ د دواړو هېوادونو د سوداګرۍ خونو ترمنځ د سوداګرۍ کچې پراختیا، د دواړو هېوادونو د یوشمېر لویو خصوصي شرکتونو ترمنځ په افغانستان کې د نفت او ګازو د اکتشاف استخراج او تصفیې او دغه راز د سیمهییزې سوداګرۍ او صنعتي- لوجستیکي کمپلکس جوړولو په برخو کې دي.