د هرات والي، د هرات د بهرنیو چارو ریاست او د هرات د سوداگرۍ او صنایعو خونې استازو په افغانستان کې د قزاقستان له سفیر سره گډه ناسته کړې او د دواړو هېوادونو ترمنځ یې د سوداگریزو اړیکو پر پراختیا خبرې کړې دي.
د هرات له ولایت مقام څخه په خپره شوې خبرپاڼه کې ویل شوي، په دې لیدنه کې دواړو لورو د سوداگرۍ د اسانتیاوو د پراختیا او د سوداگرۍ د حجم پر زیاتوالي خبرې وکړې.
د سوداگرو تر منځ د تبادلې، د گمرکي تعرفو د کمولو او د سوداگرو د ستونزو د حل او د وېزو د ورکړې په اړه بحث او توافق وشو. :«له بلې خوا په هرات کې د قزاقستان د سوداگرۍ خونه چې د افغانستان او قزاقستان د سوداگرو ترمنځ د لازمو اسانتیاوو د رامنځته کولو او د سوداگریزو راکړو ورکړو د زیاتوالي په موخه جوړه شوې وه، د سیمهییزو چارواکو، سوداگرو او پانگهوالو په حضور کې پرانیستل شوه.»
افغانستان دا مهال د نړۍ له گڼو هېوادونو سره سوداگریزه راکړه ورکړه لري او افغان سوداگر اوسمهال د نړۍ گڼو هېوادونو ته خپل توکي صادروي او د نړۍ له بېلابېلو هېوادونو گڼ توکي واردوي.