د افغانستان په چارو کې د امريکا پخواني ځانګړي استازي زلمي خليلزاد په يوه ټويټ کې د پاکستان چارواکو ته ليکلي، چې د نورو هېوادونو په سياسي چارو کې د بې ځايه مشورو پر ځای دې خپل رامنځته کړی ګډوډ حالت سم کړي.
خليلزاد ويلي، پاکستان کې پوځي اداره واک چلوي؛ خپل تر ټولو محبوب مشر، عمران خان یې بندي کړی او دروغجنې ټاکنې یې ترسره کړې دي.
نوموړي همدا راز زياته کړې، «د دې پر ځای چې د نورو هېوادونو په سیاسي چارو کې بېځایه مشورې ورکړي، د پاکستان مشران باید خپل هېواد ته وګوري او هغه ګډوډ حالت ته چې دوی جوړ کړی.»
هغه ليکلي، چې پاکستان بايد په دې فکر وکړي، چې څنګه کولی شي له هغو دوه سترو حرکتونو او غورځنګونو سره مبارزه وکړي، چې له بلوچستان او خیبر پښتونخوا څخه راپورته شوي دي.