د امربالمعروف، نهي عن المنکر او شکایتونو اورېدلو وزارت ویاند سیف الاسلام خیبر په یوه خبرپاڼه کې ویلي، چې د دغه وزارت محتسبینو تېر ۱۴۰۳ه.ش کال په ټول هېواد کې ۹۳۵ تنه کوډګر او جادوګر نیولي دي.
د ښاغلي خیبر په وینا، له دې ډلې ۱۲۵ په تخار، ۱۱۷ په کابل او ۱۱۱ تنه په بغلان ولایت کې نیول شوي دي.
ښاغلي خیبر زیاته کړې ده چې، نیول شوي ګوډګر د لانورو معلوماتو او څیړنې په موخه عدلیي او قضایي ارګانو ته سپارل شوي دي.
د امربالمعروف، نهي عن المنکر او شکایتونو اورېدلو وزارت خلکو ته ډاډ ورکړی چې هیڅ چاته به اجازه ورنکړي چې ناوړه اعمال ترسره کړي او په ټولنه کي اختلاف، تفرقه او اخلاقي ستونزي رامنځته کړي.