د افغانستان اسلامي امارت د امربالمعروف نهي عن المنکر او شکایتونو اورېدلو وزارت خبر ورکړی چې محتسبینو یې په بلخ ولایت کې د دوو کورنیو ترمنځ شخړې پای ته رسولې او د سولې په ټغر یې سره کېنولي دي.
امربالمعروف او نهي عن المنکر وزارت په وروستیو میاشتو کې په پرلهپسې ډول د ټولنیزو شخړو ترمنځ د منځګړیتوب له لارې ګڼ شمېر ټولنیزې ستونزې پای ته رسولي او دا لړۍ د هېواد په بېلابېلو سیمو کې لاهم روانه ده.