د کانونو او پترولیم وزارت وایي، چې د امو دریا نفتي حوزې د ۱۸ نویو څاګانو د کیندنې، د ۵ څاګانو د ترمیم او د ۲ څاګانو د اکتشاف آفر خلاصونه او دالوطلبی ترسره شوه.
یاد وزارت د یوې خبرپاڼې په خپرولو سره ویلي چې دغه افر خلاصونه د یاد وزارت وزیر شیخ شهاب الدین دلاور په مشرۍ ترسره شوه، چې ټاکلي پلاوي او داوطلبو شرکتونو استازو او مسولینو په کې ګډون کړی وو.
په خبر پاڼه کې زیاته شوې: “په دغه افر خلاصونه کې ۳ شرکتونو ګډون کړی و، چې د هغو له جملې څخه د Zhen Xing Oilfild Technical Service FZE شرکت د ۳۵ میلیونو ډالرو د کم او مناسب قېمت په وړاندې کولو سره ګټونکې اعلان شو”.
د یادونې وړ ده چې د تېرې ادارې پر مهال یوې څاه کيندنه په ۸.۵ میلیون ډالرو په ارزښت په قرارداد ورکړل شوې وه، اوس مهال د کانونو او پټرولیم وزارت له لوري د یوې څاه کیندنه د ۱.۷۵ میلیونه ډالرو په ارزښت په قرارداد ورکړل شوه.
د دغې وزارت مسولین وایي، چې په ټولیزه توګه ۲۰څاګانو کیندنه ۳۵ میلیونه ډالره کېږي، چې د تېرې ادارې د قرارداد په پرتله ۱۳۵ میلیونه ډالروپه توپیر د هیواد او ملت په ګټه تمام شو.