دَ سن په نوم يوې برېټانوۍ مجلې په يوه راپور کې ويلي، چې په ایران کې تر لاریونونو وروسته امریکا پر ایران د برید لپاره اروپا ته یو شمېر جنګي الوتکې لېږلې دي.
سرچينې ويلي، د امریکا د ۱۶۰مې ځانګړو هوايي عملیاتو د قطعې اړوند (سي -۱۷) او (دوه ایسي-۱۳۰) الوتکې د برېتانیا په رف فیرفورډ هوايي هډه کې ښکته شوې دي.
ګومان کېږي چې دا جنګي الوتکې پر ايران د بريد اړوند د ټرمپ له ګوتڅنډنو وروسته ځای پرځای شوي.
هاخوا بيا ايراني چارواکو د ټرمپ څرګندونو او د امريکا احتمالي برید اړوند خبرو ته په غبرګون کې د سخت چمتووالي خبر ورکړی دی.
د ايران مذهبي مشر علي خامنه ای په يوه ټويټ کې ويلي، چې «هېڅکله به دښمن ته تسليم نه شي».