د ایران ستر مشر خامنهاي سلاکار علي شمخاني، د امریکا لخوا د ایران پر اټومي تاسیساتو د برید په غبرګون کې ویلي، چې لوبه لا هم پای ته نه ده رسېدلې او په وينا یې ایران لا هم سیاسي اراده لري.
په ورته مهال د ایران د وسله والو ځواکونو د خاتم الانبیاء قرارګاه په یوه اعلامیه کې ویلي، چې امریکا د صهیونیستي رژیم د ملاتړ په دوام، د ایران پر خاوره برید کړی او مستقیم جنګ ته داخله شوې.
اعلامیه کې راغلي، چې دغه برید به بې ځوابه پاتې نه شي؛ قوي، هدفمند او له درنو پایلو ډک عملیات به ترسره کړي.
په همدغه مهال، امریکایي رسنیو راپور ورکړی چې د اسرائیل یوې اوونۍ بریدونو ایران ته دومره زیان اړولی، چې د ایران او عراق اته کلنې جګړې پر مهال هم نه و ور رسیدلی.