د ايران بهرنيو چارو وزير عباس عراقچي په تازه څرګندونو کې ټينګار کړی، چې هېواد یې په هېڅ صورت له امريکا سره خبرو ته چمتو نه دی او په وینا یې د دوامداره جګړې توان لري.
عراقچي د ايران او امريکا تر منځ وروستيو خبرو ته په اشارې ويلي، «امريکا له پیچلو اټومي مذاکراتو سره د املاکو د معاملې په څیر چلند کوي، واقیعتونه په سترو درواغو پټوي او غیر واقعي تمې کوي، چې هېڅکله د پوره کیدو امکان نه لري.»
عراقچي ويلي، ټرمپ او امريکايانو له ډيپلوماسۍ سره خيانت وکړ او د خبرو اترو د مېز په بمبارد یې لاس پورې کړ.
په ورته وخت کې د خامنه ای مرستيال محمد مخبر هم ټینګار کړی، چې ایران د خپلې جنګي تجربې پر بنسټ دا وړتیا لري چې تر اوږدې مودې جګړه ورکړي او د هر ډول تېري پر وړاندې ودريږي.